0
0
દાહોદ તાલુકાના ખરોદા ગામે મોટી બારમ ફળિયામાં રહેતા બુટલેગરના રહેણાંક મકાનમાં ધમધમતી દારૂની હાટડી પર દાહોદ તાલુકા પોલીસે ઓચિંતી પ્રોહી રેડ પાડી રૂપિયા 49હજાર ઉપરાંતની કિંમતનો વિદેશી દારૂ બિયરનો જથ્થો ઝડપી પાડ્યાનું સત્તાવાર રીતે જાણવા મળ્યું છે. પ્રાપ્ત વિગત અનુસાર દાહોદ તાલુકાના ખરોદા ગામે મોટી બારમ ફળિયામાં રહેતા અજયભાઈ ફતિયાભાઈ ભાભોર નામના બુટલેગર ના રહેણાંક મકાનમાં ધમધમતી વિદેશી દારૂની હાટડી પર વિદેશી દારૂ તથા બિયરનો જંગી જથ્થો હોવાની દાહોદ તાલુકા પોલીસને બાતમી મળી હતી. જે બાતમીને આધારે દાહોદ તાલુકા પોલીસે ગતરોજ મોડી રાતના સાડા બાર વાગ્યાના સુમારે બાતમીમાં દર્શાવેલ અજયભાઈ ફતિયાભાઈ ભાભોર નામના બુટલેગરના રહેણાંક મકાનમાં ધમધમતી વિદેશી દારૂની હાટડી પર ઓચિંતી પ્રોહી રેડ પાડી મકાનમાંથી રૂપિયા 49,440/- ની કુલ કિંમતની અલગ અલગ માર્કાની વિદેશી દારૂ તથા બિયરની કુલ બોટલ નંગ-360 પકડી પાડી કબજે લીધી હતી. જ્યારે પોલીસની રેડ સમયે બુટલેગર અજયભાઈ ભાભોર ઘરે હાજર ન હોવાથી પોલીસ તેને પકડી શકી ન હતી. આ મામલે દાહોદ તાલુકા પોલીસે પ્રોહિબિશનનો ગુનો નોંધી આગળની કાર્યવાહી હાથ ધરી છે.
