0
0
દાહોદ એલસીબી પોલીસે ધાનપુર તાલુકાના લીલીઆંબા ગામે જરૂરી વોચ ગોઠવી રૂપિયા 71 હજાર ઉપરાંતની કિંમતના વિદેશી દારૂ તથા બીયરના જથ્થા સાથે મોપેડ ગાડી પકડી પાડી ₹50,000/- ની કિંમતની મોપેડ સહિત ₹ 1,21,220/- નો મુદ્દા માલ કબજે લીધાનું જાણવા મળ્યું છે. પ્રાપ્ત વિગત અનુસાર પોતાને મળેલ પ્રોહિબિશન અંગેની બાતમીને આધારે દાહોદ એલસીબી પોલીસે ધાનપુરના લીલીઆંબા ગામે રોડ પર ગતરોજ સાંજના સાડા ચાર વાગ્યાથી પોણા છ વાગ્યા સુધીના સમયગાળામાં જરૂરી વોચ ગોઠવી હતી. જે દરમિયાન બાતમીમાં દર્શાવેલ જીજે-20બી.ઇ-0028 નંબરની સુઝૂકી કંપનીની એવનેશ મોપેડ ગાડી દૂરથી આવતી નજરે પડતા પોલીસ સાબદી બની હતી. તે સમયે એવનેશ મોપેડ ગાડીનો ચાલક દૂરથી જ પોલીસની ગાડી ઓળખી જતા પોતાની પાસેની દારૂ-બિયરના જથ્થા સાથેની એવનેશ મોપેડ ગાડી રસ્તા પર મૂકીને જંગલના ઝાડી ઝાંખરામાં થઈ નજીકના ડુંગરાની ભેંખડોમાં સંતાઈ ગયો હતો. જે એવનેશ મોપેડ ગાડી પોલીસે પકડી પાડી ગાડી પર લાદેલ લગડામાં તથા થેલામાંથી રૂપિયા 71,220/- ની કુલ કિંમતની વિદેશી દારૂ તથા બિયરની પેટીઓ નંગ-6 માં ભરેલ બોટલ નંગ-168 તથા છૂટી બોટલો નંગ-338 મળી કુલ બોટલ નંગ-506 પકડી પાડી સદર દારૂ-બિયરની હેરાફેરીમાં ઉપયોગમાં લેવાયેલ રૂપિયા 50,000/- ની કિંમતની સુઝુકી કંપનીની એવનેશ મોપેડ ગાડી મળી કુલ રૂપિયા 1,21,220/- નો મુદ્દામાલ પકડી પાડી કબજે લઈ મોપેડ ગાડીના ચાલક વિરુદ્ધ પ્રોહિબિશનનો ગુનો નોંધી આગળની કાર્યવાહી હાથ ધરી છે.
